პატრიარქი კირილი მინსკში ჩავიდა სამდღიანი ვიზიტით, რომელიც ემთხვევა ბელარუსის მართლმადიდებლობის 1030 წლის იუბილეს. პრეზიდენტმა ალექსანდრე ლუკაშენკომ რუსეთის პატრიარქის ვიზიტს კარგი ნიშანი უწოდა.
“რთული დროა. რა კარგია, რომ თქვენს მიწაზე მოხვედი. თქვენთვის უცხო არ არის. ჩვენი ხალხისთვის ეს კარგის ნიშანია. ასეთი ერთიანობის, სოლიდარობის ნიშანი ამ ბოროტი ძალების წინაშე, როგორც ამბობს ჩვენი ბატონი. სიმართლე ჩვენს მხარეზეა. ის ყოველთვის უფრო ძლიერია და ჩვენ გავუძლებთ ჩვენზე ნებისმიერ ზეწოლას, როგორიც არ უნდა იყოს ეს. თუნდაც, აჯანყების ან რაიმე სახის ჰიბრიდული ომების სახით, ან თუნდაც ცხელი ომი. ჩვენ გადავრჩებით“, – ციტირებს ლუკაშენკოს სიტყვებს ბელარუსის სახელმწიფო სააგენტო ბელტა.
ცნობისთვის, ბელარუსის მართლმადიდებელი ეკლესია ეკუთვნის მოსკოვის საპატრიარქოს და თავის პატრიარქად კირილს აღიარებს.