ოკუპირებული მელიტოპოლის რაიონებში რუსმა ოკუპანტებმა, რომლებსაც უკრაინელი პარტიზანებისა და მეომრების შურისძიების ეშინიათ, თითქმის ყველა ბლოკპოსტი დატოვეს,
– ამის შესახებ ქალაქ მელიტოპოლის მერმა ივან ფედოროვმა განაცხადა.
მისი თქმით, მელიტოპოლი უახლოესი თვეების განმავლობაში მთლიანად გათავისუფლდება ოკუპანტებისგან.
შეგახსენებთ, მელიტოპოლში განსაკუთრებით აქტიურობენ პარტიზანები. ცოტა ხნის წინ მათ რამდენიმე კოლაბორანტი მოკლეს, ადგილობრივი, ახლადდანიშნული რუსული ადმინისტრაციის წინ კი მანქანა აფეთქეს, რის შემდეგაც ერთერთმა ქალმა კოლაბორანტმა, რომელიც მელიტოპოლის მერად იყო დანიშნული რუსი ოკუპანტების მიერ, განაცხადა, რომ თანამდებობას ტოვებდა.
ასვე, რამდენიმე კვირის წინ გავრცელდა ინფორმაცია მელიტოპოლში პარტიზანების მიერ ჯავშანმატარებლის აფეთქების შესახებ. მსხვერპლზე გავრცელებული ინფორმაცია ოლექსი არესტოვიჩმა არ დაადასტურა, მაგრამ განაცხადა, რომ აფეთქების მცდელობა მელიტოპოლის რკინიგზის სადგურში ნამდვილად იყო.
–
შემოგვიერთდით ტელეგრამ-არხზე “ოდიში Live – უკრაინა”: მოკლე, ოპერატიული, გადამოწმებული ინფორმაცია რუსეთ-უკრაინის ომზე: https://t.me/tvodishi