ცხედრების გაცვლის პროცესის ფარგლებში, 4 ივნისს უკრაინამ რუსი ოკუპანტებისგან მიიღო “აზოვსტალში” და მარიუპოლის სხვადასხვა ადგილებში დაღუპულ მეომართა ცხედრები, ამის შესახებ Associated Press იტყობინება.
“აზოვის” ექს-მეთაურმა მაქსიმ ჟორინმა განაცხადა, რომ ათეულობით ცხედარი, რომლებიც ამოყვანილია “აზოვსტალის” ნანგრევებიდან, უკვე კიევშია და მათ დნმ-ის ანალიზი უტარდება.
ჟორინის ინფორმაციით, ცხედრების გაცვლა შედგა პრინციპით 160-160-ზე.
“მინიმუმ ორი სატვირთო მანქანის ძარით მოიტანეს ცხედრები კიევის სამხედრო ჰოსპიტალში, სადაც დნმ-ის ანალიზი ჩატარდება”, – განაცხადა ერთერთი უგზო-უკვლოდ დაკარგული, სავარაუდოდ, “აზოვსტალში” დაღუპული მებრძოლის ძმამ.
შეგახსენებთ, მარიუპოლში დაღუპულ მებრძოლთა შორისაა “აზოვის” ერთერთი დამფუძნებლის, ბახვა ჩიქობავა, თუმცა, არის თუ არა მისი ნეშტი უკვე გადმოცემულ ცხედრებში, ჯერჯერობით დაუდგენელია.
–
შემოგვიერთდით ტელეგრამ-არხზე “ოდიში Live – უკრაინა”: მოკლე, ოპერატიული, გადამოწმებული ინფორმაცია რუსეთ-უკრაინის ომზე.