უკრაინის პრეზიდენტმა, ვლადიმირ ზელენსკიმ განაცხადა, რომ რუსეთში იძულებით გადაყვანილ უკრაინელებს შორის 200 000 ბავშვია.
მისი თქმით, მათ შორის არიან ბავშვთა სახლებიდან წაყვანილი ბავშვები, მშობლებთან ერთად წაყვანილები და ბავშვები, რომლებიც ოჯახებს მოაშორეს.
პრეზიდენტის თქმით, უკრაინა დასჯის დამნაშავეებს და აჩვენებს რუსეთს, რომ მისი დაპყრობა შეუძლებელია, “რომ უკრაინელი ხალხი არ დანებდება და უკრაინის შვილები არ გახდებიან ოკუპანტების საკუთრება”.
ზელენსკიმ ასევე აღნიშნა, რომ ამ დროისთვის არსებული მონაცემებით, ომს 243 ბავშვი ემსხვერპლა, 446 დაიჭრა, 139 კი უგზო-უკვლოდ დაკარგულად ითვლება.