საქართველოს მესამე პრეზიდენტის ექსპერტიზა გრძელდება. კლინიკა “ვივამედში” მიხეილ სააკაშვილს დამოუკიდებელ ექსპერტთა ჯგუფი დღესაც მოინახულებს.
სპეციალისტების გუშინ 4 საათის განმავლობაში ეცნობოდნენ მესამე პრეზიდენტის ჯანმრთელობის მდგომარეობას, ჩატარებულ მკურნალობასა და ანალიზებს, რის შემდეგაც ერთხმად აღნიშნეს, რომ მდგომარეობა ყოველდღიურად მძიმდება, სიცოცხლის გადარჩენის ერთადერთი გზა კი საზღვარგარეთ მკურნალობაა.
“მდგომარეობა მისი არის ისეთი, რაც მოსალოდნელი იყო. ჩვენ განვსაზღვრეთ, რომ მდგომარეობა თანდათან დამძიმდება. ეს არ იქნება უეცარი ვარდნა, თუმცა შესაძლებელია, ასეთი რამეც მოხდეს. არ შეუძლია ჭამოს. ვერ ითვისებს საკვებს. უცხოეთში გადაყვანაზე იყო საუბარი იმ კონტექსტში, რომ აქ მისი მოვლა, რაც უნდა მოხდეს მაღალტექნოლოგიურ დაწესებულებაში, უკვე დაგვიანებულია”, – თქვა ექიმმა ოთარ თოიძემ.