სასწრაფო სამედიცინო დახმარების ექიმები აქციებს სამშაბათიდან განაახლებენ. მედიკოსები საგანგებო სიტუაციების მართვის სამსახურიდან მსვლელობით ჯანდაცვის სამინისტროსთან მივლენ და მინისტრთან შეხვედრას კიდევ ერთხელ მოითხოვენ.
მათი მთავარი მოთხოვნა სახელფასო ანაზღაურების 100%-ით გაზრდაა.
“სამშაბათს, 7 ივნისს, 12:00 საათზე ვიკრიბებით ცენტრის ადმინისტრაციასთან, ერთ საათში გადავინაცვლებთ სამინისტროსთან სადაც გვექნება მოთხოვნა, რომ შეგვხდეს მინისტრი ან მინისტრის მოადგილე. კონკრეტულ ერთ მოთხოვნაზე გაგვცენ პასუხი – ვითხოვთ ხელფასის მომატებას 100%-ით. რასაც ვიღებდით და ინფლაციის ფონზე, ჩვენი ხელფასი არის მინიმალური”, – თქვა სასწრაფოს ექიმმა.
პროტესტს უერთდება პროფკავშირებიც.