“NATO-ს მომავალ სამიტზე საქართველოს პოზიციაში წინსვლა არ იქნება. არ ვფიქრობ, რომ უკან დახევა იქნება, მაგრამ პროგრესი არ იქნება” – ამის შესახებ “ატლანტიკური საბჭოს” ევრაზიის პროგრამების ხელმძღვანელმა და აშშ-ის ყოფილმა ელჩმა უკრაინაში ამერიკის ხმასთან ინტერვიუში განაცხადა.
ინტერვიუში ჰერბსტმა აღნიშნა, რომ საქართველოს დემოკრატიული მაჩვენებლების მხრივ, წარსულში პოზიტიური გამოცდილება აქვს, თუმცა ბოლო წლებში საქართველოში დემოკრატიული მაჩვენებლების მხრივ უკუსვლებია.
ჰერბსტმა, ასევე, ისაუბრა საქართველოს მესამე პრეზიდენტზე და თქვა, რომ “სირცხვილია, როგორც ახლა მიხეილ სააკაშვილს ეპყრობიან”, მან საქართველოს მთავრობას ვითარების გამოსწორებისკენ მოუწოდა.