ბათუმის საკრებულო “ლელოს” წევრმა, ირაკლი კუპრაძემ დატოვა. მას უფლებამოსილება საკუთარი განცხადების საფუძველზე დღევანდელ სხდომაზე შეუწყვიტეს.
კუპრაძეს საკრებულოში ვაჟა დარჩია ჩაანაცვლებს.
“2021 წლის თვითმმართველობის არჩევნებზე ჩვენ მივიღეთ ძალადობა, ზეწოლა, მუქარა და უმძიმესი პროცესი, რომელმაც დააზიანა ჩვენ ქვეყანაში დემოკრატია, საარჩევნო პროცესი. შესაბამისად, მე საკუთარ თავს პერსონალურად ვერ ვხედავ ამ საკრებულოს მოწვევაში”, – თქვა კუპრაძემ.
დღესვე 7 თვიანი პაუზის შემდეგ, ბათუმის საკრებულომ თავმჯდომარე აირჩია. კენჭისყრაში მონაწილეობა მხოლოდ “ქართულმა ოცნებამ” და ერთმა დამოუკიდებელმა დეპუტატმა მიიღო.
18-მა დეპუტატმა განაცხადა თანხმობა, რომ ბათუმის საკრებულოს, შუალედურ არჩევნებში გამარჯვებულმა, რამაზ ჯინჭარაძემ უხელმძღვანელოს.