დროებით ოკუპირებული ხერსონისა და ზაპოროჟიეს რეგიონები ოკუპანტებს რუსულ სატელეფონო კოდზე, +7-ზე გადაჰყავთ. ინფორმაციას რუსული სამთავრობო მედია ავრცელებს.
“რია ნოვოსტის” ცნობით, რეგიონში უკვე იყიდება სიმ-ბარათები რუსული ნომრით.
“ზაპოროჟიეს რეგიონი რუსულ სატელეფონო კოდზე, +7-ზე გადადის. რეგიონში უკვე სატელეფონო კავშირის ახალი ოპერატორი შემოვიდა”, – აცხადებენ ოკუპირებული რეგიონის ე.წ. ადმინისტრაციაში.
ცნობისთვის, ე.წ. დონეცკისა და ლუგანსკის სახალხო რესპუბლიკები რუსულ სატელეფონო კოდზე ჯერ კიდევ მაისის დასაწყისში გადავიდნენ.