26 მაისი საქართველოს დამოუკიდებლობის დღეა. “საქართველო ევროპისკენ” – ასეთია წელს ყველაზე მნიშვნელოვანი ეროვნული დღესასწაულის კონცეფცია.
ღონისძიებებისთვის 6 მილიონ ლარზე მეტი დაიხარჯება. 2-წლიანი პაუზის შემდეგ, დღესასწაულზე დასწრებისა და საქართველოს შეიარაღებული ძალების ახალი ტექნიკის ნახვის საშუალება მოსახლეობასაც ექნება.
თავდაცვის სამინისტროს ინფორმაციით, აღლუმში ახალი სამხედრო ტექნიკის ერთეული იქნება წარმოდგენილი. თბილისის ცაზე SU-25-ები, MI-24-ები და “იროკეზები” გადაიფრენენ.
12:00 საათზე, თბილისსა და საქართველოს 5 რეგიონში წვევამდელები სამხედრო ფიცს დადებენ.