უკრაინის პრეზიდენტი, ვოლოდიმირ ზელენსკი ამბობს, რომ ომის დასრულების შესახებ რუსეთთან მოლაპარაკებები აუცილებლად გაიმართება, “თუმცა საკითხავია, რუსეთის რომელ პრეზიდენტთან”.
ამასთან დაკავშირებით ზელენსკიმ დავოსში გამართულ უკრაინულ საუზმეზე ონლაინ ჩართვისას ისაუბრა.
“საომარი ნაწილის შემდეგ, იქნება სამშვიდობო პროცესი, მოლაპარაკების მაგიდა და აუცილებლად იქნება მშვიდობა. საკითხავია – ვისთან მოილაპარაკებს უკრაინა, რუსეთის რომელ პრეზიდენტთან. ეს ასევე დამოკიდებულია იმაზე, თუ როგორია რუსეთის ამჟამინდელი პრეზიდენტის სურვილი”, – თქვა ზელენსკიმ.
უკრაინის ლიდერმა აღნიშნა, რომ მისი აზრით, ვლადიმერ პუტინი ვერ აცნობიერებს, რა ხდება რეალურად.
“ის ცხოვრობს საკუთარ საინფორმაციო სამყაროში და არ ესმის, რომ უკრაინა დათმობებზე არ წავა”, – აღნიშნა ვოლოდიმირ ზელენსკიმ.
მისივე თქმით, პუტინთან მოლაპარაკება შესაძლებელი იქნება მაშინ, “როცა ის მზად იქნება დაბრუნდეს რეალობაში და გააცნობიეროს, რომ ბევრი ადამიანი კვდება…”.
“ასეთ შემთხვევაში ცდა შესაძელებელია, თუ უკვე გვიანი არ იქნება, გავყვეთ დიპლომატიურ გზას ამჟამინდელი მთავრობასთან”, – თქვა უკრაინის პრეზიდენტმა.
ამასთან, ზელენსკიმ განაცხადა, რომ ომის შემდგომი სისხლიანი განვითარებით, უკრაინულ საზოგადოებას მოლაპარაკების სურვილი ყოველდღიურად დაეკარგება.