ცენტრ “ემპათიას” დირექტორი მარიამ ჯიშკარიანი, პენიტენციურ სამსახურს და იუსტიციის სამინისტროს მიმართავს, რომ დროულად მიიღონ გადაწყვეტილება – გადაიყვანონ, მესამე პრეზიდენტი უცხოეთში მულტიპროფილურ ცენტრში სამკურნალოდ.
“ემპათია” ელოდება მოსამართლის პასუხს, შეუშვებენ თუ არა მათ მიხეილ სააკაშვილთან პალატაში.
“ვურჩევთ პენიტენციურ სამსახურს და იუსტიციის სამინისტროს, დროულად მიიღონ ადეკვატური გადაწყვეტილება პაციენტის გადაყვანის შესახებ მულტიპროფილურ ცენტრში. ევროპაში, ან სხვა განვითარებულ ქვეყანაში. სამწუხაროდ აქ მისი დიაგნოსტიკა მკურნალობა მიმდინარეობს არაეფექტურად უკვე მრავალი თვის განმავლობაში. ვიმედოვნებთ, სასამართლო მიიღებს კანონიერ გადაწყვეტილებას ექსპერტების დაშვებასთან დაკავშირებით, თუმცა კიდევ ერთხელ მინდა ხაზგასმით აღვნიშნო, რომ ყოველ საათს და წუთს აქვს მნიშვნელობა, პაციენტის ჯანმრთელობის მდგომარეობისათვის,” – ამბობს მარიამ ჯიშკარიანი.
შეგახსენებთ, რომ დღეს მიხეილ სააკაშვილის მორიგი სასამართლო პროცესი გაიმართება, სადაც ცნობილი გახდება, დაუშვებს თუ არა მოსამართლე მესამე პრეზიდენტთან ექსპერტთა ჯგუფს.