მესამე პრეზიდენტის პირადი ექიმის, ნიკოლოზ ყიფშიძის ინფორმაციით, კლინიკა “ვივა მედში” ხვალ და ზეგ კონსილიუმები იგეგმება და სავარაუდოდ კვირის ბოლოს, უკვე იქნება სამედიცინო დასკვნა მიხეილ სააკაშვილის მდგომარეობაზე.
ნიკოლოზ ყიფშიძე ამბობს, რომ საჭიროა მიხეილ სააკაშვილს კუნთების ბიოფსია ჩაუტარდეს
“რამდენადაც ვიცი დღეს და ხვალ იგეგმება “ვივა მედში” კონსილიუმები, დღეს მაგალითად ნეიროქირურგები მოიყვანეს, ხვალ ასევე სხვადასხვა სპეციალისტებს მოიყვანენ და ალბათ ამ კვირის ბოლოს უკვე გვექნება დასკვნა “ვივა მედიდან”.
დანამდვილებით ვერ გეტყვით, მაგრამ ვიცი ასე მოარული ხმებით, რომ რაღაც დაზიანებები იქნა აღმოჩენილი MRT-ს გამოკვლევის დროს. ვფიქრობ, რომ ვურჩიო “ვივა მედს” გააკეთონ კუნთების ბიოფსია. თქვენ იცით, რომ პრეზიდენტს დაუდგინდა კუნთების ატროფიის დიაგნოზი და მე ვთვლი რომ ეს ბიოფსია ზუსტად დაგვიდგენს მისი კუნთების მდგომარეობას”, – ამბობს ნიკოლოზ ყიფშიძე
ცნობისთვის, მესამე პრეზიდენტი დღეს ადვოკატმა შოთა თუთბერიძემ მოინახულა. მისი თქმით, მიხეილ სააკაშვილის ჯანმრთელობის მდგომარეობა გაუარესებულია და მესამე პრეზიდენტი სრულად წოლით რეჟიმზეა გადასული.