დიდი ბრიტანეთის დაზვერვა ამბობს, რომ რუსეთმა უკრაინაში შეჭრიდან პირველ 3 თვეში, სავარაუდოდ იმდენი ჯარისკაცი დაკარგა, რამდენიც საბჭოთა კავშირმა ავღანეთის ომის 9 წლის მანძილზე.
უწყების ცნობით, სიკვდილის მაღალი მაჩვენებელი გამოიწვია დაბალი დონის ცუდი ტაქტიკის, შეზღუდული საჰაერო დაცვის, მოქნილობის ნაკლებობამ და სარდლობის მიდგომამ, რომელიც მარცხისა და შეცდომების განმეორებისკენაა მიდრეკილი.
“რუსეთის საზოგადოებამ წარსულში დაამტკიცა, რომ მგრძნობიარეა ომების დროს მიღებული მსხვერპლის მიმართ. რადგან უკრაინაში მიყენებული მსხვერპლი კვლავ იზრდება, ეს უფრო აშკარა გახდება და საზოგადოების უკმაყოფილება ომით და მისი გახმოვანების სურვილი შეიძლება გაიზარდოს”, – წერს დაზვერვა.
ბრიტანეთის ცნობით, მსხვერპლის მაღალი მაჩვენებლი კვალვ იზრდება დონბასში მიმდინარე შეტევების ფონზე.