უკრაინაში საომარი მდგომარეობა კიდევ 90 დღით გაგრძელდა. “უკრაინელმა მეომრებმა უნდა გაუძლონ, მაქსიმუმ, მაისის ბოლომდე, მერე კი რუსეთს შემტევი ძალა აღარ ეყოლება”, – ამბობს არესტოვიჩი.

კურსკის გუბერნატორმა დილით განაცხადა, რომ უკრაინის არტილერიის მიერ ერთერთი სოფლის დაბომბვის დროს ერთი ადამიანი დაიღუპა და რამდენიმე დაიჭრა.

 “აზოვსტალიდან” გაყვანილი მეომრების ნაწილი ტაგანროგში გადაიყვანეს. ადგილობრივი ხელისუფლების წარმომადგენლის თქმით, აქ 89 მებრძოლია მიყვანილი და ისინი წინასწარი პატიმრობის საკანში სხედან.

უკრაინის თავდაცვის მინისტრის მოადგილე ანა მალიარი ამბობს, რომ “აზოვსტალის” გმირების გადარჩენის ოპერაცია მიმდინარეობს და გრძელდება მოლაპარაკებები გაცვლის პროცესთან დაკავშირებით. მისივე თქმით, წინასწარ რაიმე დეტალის გამჟღავნებამ, შესაძლოა, მებრძოლთა სიცოცხლეს საფრთხე შეუქმნას.

ჩვენმა მეომრებმა უნდა გაუძლონ, სადღაც, მაისის ბოლომდე, ამის შემდეგ კი რუს ოკუპანტებს შესატევი აღარაფერი დარჩებათ, – აცხადებს ოლექს არესტოვიჩი ფეიგანის შოუს ეთერში.

ცნობილი უკრაინელი ექსპერტი ოლეგ ჟდანოვი კი მიიჩნევს, რომ რუსეთის საოკუპაციო ძალების შენაერთები მორალურად გატეხილი და უმოტივაციოა.