“ოცნების” შეგნებული ქმედებაა, რომ EU-ს კანდიდატის სტატუსის მიღებას ხელი შეუშალონ – კუბილიუსი

0
178

ევროპარლამენტარი ანდრიუს კუბილიუსი “მთავარი არხის” გენერალური დირექტორის, ნიკა გვარამიას დაკავებაზე ამბობს, რომ ეს საქართველოს მიერ ევროკავშირის წევრობის კანდიდატი ქვეყნის სტატუსის მიღებას ხელს შეუშლის. “მთავართან” საუბრისას მან აღნიშნა, რომ ასეთ ნაბიჯს “ქართული ოცნება” შესაძლოა შეგნებულად დგამდეს.

“მე სხვას ვერაფერს დავარქმევ საქართველოს მმართველი პარტიის ქცევას გარდა შეგნებული ქმედებისა, რომ საქართველოს მიერ კანდიდატი სტატუსის მიღებას ხელი შეუშალონ. მე არ ვიცი რატომ უნდა აკეთებდეს ამას მთავრობა, რომელიც ამბობს რომ ძალიან პროევროპულია. გამოდის, რომ მათ არ ესმით ევროკავშირის პრინციპები და ღირებულებები რა არის და თვლიან, რომ ამ ორგანიზაციაში ქვეყანას მაინც მიიღებენ, თუნდაც კანონის უზენაესობის პრინციპები ირღვეოდეს, რაც არასწორი მოსაზრებაა, ან უბრალოდ შეგნებულად აკეთებენ ამას, რომ საქართველოს ევროკავშირში შესვლის პერსპექტივა მოუკლან. ასეა თუ ისე აშკარაა, რომ საქართველოს მთავრობა ვერ ან არ ასრულებს ქართველი ხალხის ნებას”, – თქვა კუბილიუსმა.

მოგვიანებით კუბილიუსმა ტვიტერზე დაწერა, რომ სასამართლოს მიერ გვარამიას მიმართ გამოტანილი გამამტყუნებელი განაჩენი საქართველოში კანონის უზენაესობის გაუარესების გაგრძელებაა.

წინა სტატიარა უნდა ვიცოდეთ “აზოვსტალიდან” გაყვანილებზე – რა ბედი ელით მარიუპოლის დამცველებს?
შემდეგი სტატიაგვესმის, რაოდენ რთულია საქართველოსთვის რუსეთის წინააღმდეგ მოქმედება, მაგრამ გთხოვთ სანქციების აღსრულებას – ბორელი
ტელეკომპანია ოდიშის საინფორმაციო სამსახური