უკრაინის პრეზიდენტი ვოლოდიმირ ზელენსკი საღამოს ტრადიციულ ვიდეომიმართვაში გამოეხმაურა “აზოვსტალიდან” მეომართა ევაკუაციის საკითხს და განაცხადა, რომ 16 მაისი ურთულესი დღე იყო.
შეგახსენებთ, წუხელ, გვიან ღამით, ოკუპირებული ტერიტორიის ორ ქალაქში, მიღწეული მოლაპარაკების შედეგად, “აზოვსტალის” მცველი ჯარისკაცები (არამარტო დაჭრილები) გაიყვანეს. გაყვანილია 53 მძიმედ დაჭრილი (ნოვოაზოვსკის საავადმყოფოში) და 211 სხვა სამხედრო პირი (ოკუპრებულ ელენოვკაში).
“რთული დღე იყო, მაგრამ ეს დღეც, ისევე როგორც სხვა დღეები, მიმართულია იმისკენ, რომ გავუფრთხილდეთ ჩვენს ქვეყანას, ჩვენს ხალხს. უკრაინელი სამხედროების, უკრაინის შეიარაღებული ძალების, დაზვერვის, მოლაპარაკების მწარმოებელი ჯგუფის, წითელი ჯვრისა და გაეროს ჩართულობით, იმედს ვიტოვებთ, რომ შევძლებთ ჩვენი ბიჭების სიცოცხლის შენარჩუნებას.
მინდა ხაზი გავუსვა: უკრაინის გმირები უკრაინას ცოცხლები სჭირდება – ეს ჩვენი პრინციპია. ვფიქრობ ამ სიტყვებს ნებისმიერი ადეკვატური ადამიანი გაიგებს”, – განაცხადა ვოლოდიმირ ზელენსკიმ.
“აზოვსტალიდან” 53 დაჭრილი და 211 სხვა სამხედრო პირი, ოკუპირებულ ტერიტორიაზე გადაიყვანეს