ახალი კადრები, აზოვსტალიდან, რომელსაც რუსული მედია ავრცელებს; ვიდეომასალაში ჩანს, როგორ გამოდიან უკრაინელი სამხედროები აზოვსტალის ბუნკერებიდან და დაჭრილი თანამებრძოლები გამოჰყავთ. რუსი ოკუპანტები კი უკრაინელ სამხედროებს აზოვსტალის შესასვლელთან ჩხრეკენ.
შეგახსენებთ, რომ უკრაინულ და რუსულ მხარეებს შორის მიღწეული ორმხრივი შეთანხმების საფუძველზე, აზოვსტალიდან გამოსულ სამხედროებს რუსების მიერ კონტროლირებად ტერიტორიაზე გადაიყვანენ, სადაც გადაუდებელ სამედიცინო დახმარებას მიიღებენ. მოგვიანებით კი ტყვეთა გაცვლის პროგრამის ფარგლებში სამშობლოში დააბრუნებენ.