“მთავარი არხის” გენერალური დირექტორის, ნიკა გვარამიას დაკავებას, შვედეთის ელჩის მოვალეობის შემსრულებელი ერიკ ილესი ეხმაურება და ამბობს, რომ ქვეყანა, რომელიც ევროკავშირის განაცხადზე პასუხის ელოდება, ნებისმიერ ქმედებას, ევროინტეგრაციის პრინციპების დაცვით უნდა ასრულებდეს.
“კონკრეტულად ამ საქმეზე ვერანაირ კომენტარს ვერ გავაკეთებ, მაგრამ ჩვენ ყველამ ვიცით, რომ ევროინტეგრაცია დამოკიდებულია ქვეყანაში კანონის უზენაესობის არსებობასა და ადამიანის უფლებების დაცვაზე. ჩვენ, რა თქმა უნდა, დავაკვირდებით იყო თუ არა ყველაფერი ამ საკვანძო პრინციპების დაცვით შესრულებული, მთლიანობაში მნიშვნელოვანია, რომ საქართველო ერთიანი იყოს. პოლიტიკა განსხვავებული იდეების ჭიდილია და მთავარია, რომ თამაშის წესები ზედმიწევნით იყოს დაცული”, – ამბობს ერიკ ილესი
შეგახსენებთ, რომ 16 მაისს, მოსამართლე ლაშა ჩხიკვაძემ “მთავარი არხის” გენერალურ დირექტორს, ნიკა გვარამიას 3 წლითა და 6 თვით პატიმრობა მიუსაჯა.