კრემლის პრესსპიკერის, დიმიტრი პესკოვის განცხადებით, დარწმუნებულები არიან, რომ “ყველაფერი კარგად იქნება”. მისი მტკიცებით, პრეზიდენტმა ვლადიმერ პუტინმა “იცის საით მიჰყავს ქვეყანა”.
მისივე თქმით, არსებობს პოლიტიკური კონსენსუსი და “უკიდურესად მაღალი დონის” მხარდაჭერა პრეზიდენტის მიმართ.
“დარწმუნებულნი ვართ, რომ ყველაფერი კარგად იქნება და დარწმუნებული ვართ, რომ გავიმარჯვებთ, მივაღწევთ ყველა მიზანს.
მთელი ქვეყანა მხარს უჭერს მას [პუტინს]. დარწმუნებული ვარ, თქვენ მხარს უჭერთ მას, ახალგაზრდობა მხარს უჭერს მას, ჩვენი ქვეყნის ყველა თაობა მხარს უჭერს”, – თქვა პესკოვმა.
პესკოვმა მარათონის ფარგლებში გამართულ ლექციაზე, ასევე, აღნიშნა, რომ რუსეთში მოსახლეობა უკეთესად იცხოვრებს და უსაფრთხოება პრიორიტეტი იქნება.
ცნობისთვის, რუსეთს ამ დრომდე არ აქვს მნიშვნელოვანი წარმატება უკრაინის აღმოსავლეთში, სადაც ომის ე.წ. მეორე ფაზას აწარმოებს. მისი დანაკარგები ყოველდღიურად იზრდება.