მესამე პრეზიდენტის დედა, გიული ალასანია, რომელმაც შვილი გუშინ, კლინიკა “ვივამედში” მოინახულა, ამბობს, რომ მდგომარეობა მძიმეა. მისი აზრით, მიხეილ სააკაშვილს უკვე იმდენი დიაგნოზი და პრობლემა აქვს, რომ ექიმებს პასუხისმგებლობის აღება შეიძლება, გაუჭირდეთ.
“მე რაც ვნახე ეს იყო ძალიან მძიმე შთაბეჭდილება, ადამიანი აღარ არსებობს ფაქტიურად, გაქრა, ასეთი შთაბეჭდილება მაქვს. საერთოდ ძალიან გამხდარი, ძლივს მოძრაობს, ყველაფერი ხდება ძლივს ძლივს. ექიმებმა რა უნდა მითხრან, ისინიც ძალიან შეწუხებულები არიან და უნდათ რომ ეშველოს, მაგრამ მემგონი ვერც კი იღებენ პასუხისმგებლობას, იმდენად ბევრი აქვს მას ეს შედეგი ყველაფრის, დიაგნოზები არის ბევრი, ყველაფერი ერთად მოსავლელია, ამის გამცდილება არ არის უბრალოდ”, – თქვა გიული ალასანიამ.
ცნობისთვის, დღეს მიხეილ სააკაშვილის მონახულება სურთ “ემპათიას” წევრებსა და მის პირად ექიმს, ნიკოლოზ ყიფშიძეს, თუმცა უცნობია, მიეცემათ თუ არა მათ ამის შესაძლებლობა.