ფინეთის პრეზიდენტმა და პრემიერმინისტრმა განაცხადეს, რომ მხარს უჭერენ ქვეყნის ნატო-ში გაწევრიანებას. ამით ქვეყანა ტრადიციულ, ნეიტრალურ სტატუსზე უარს ამბობს.
“ნატო-ში გაწევრიანება გააძლიერებს ფინეთის უსაფრთხოებას. როგორც ნატოს წევრი, ფინეთი გააძლიერებს მთელ თავდაცვის ალიანსს. ფინეთმა დაუყოვნებლივ უნდა მიმართოს ნატოში გაწევრიანებას. ვიმედოვნებთ, რომ ამ გადაწყვეტილების მისაღებად საჭირო ეროვნული ნაბიჯები სწრაფად გადაიდგმება მომდევნო პერიოდში. რამდენიმე დღეში”, – ნათქვამია ერთობლივ განცხადებაში.
ამ საკითხის განხილვა ფინეთსა და მის მეზობელ შვედეთში მას შემდეგ დაიწყო, რაც რუსეთი უკრაინაში შეიჭრა. მოსკოვი დაიმუქრა, რომ ზომებს მიიღებდა, თუ ჰელსინკისა და სტოკჰოლმის მთავრობები ნატო-ს შეუერთდებოდნენ.
დიდი ბრიტანეთის პრემიერმა, ბორის ჯონსონმა გუშინ ფინეთსა და შვედეთს სამხედრო მხარდაჭერა აღუთქვა.