რუსმა ოკუპანტებმა დონეცკის ოლქში, ქალაქ სლავიანსკის ორ რაიონზე სარაკეტო იერიში მიიტანეს. ინფორმაციას ქალაქის სამხედრო-სამოქალაქო ადმინისტრაციის ხელმძღვანელი, ვადიმ ლიახი ავრცელებს.
“11 მაისის დილას მტერმა რაკეტები ესროლა ქალაქის ორ უბანს. საბედნიეროდ, თავდასხმას მსხვერპლი არ მოჰყოლია. ზარალი ზუსტდება”, – დაწერა ლიახმა Facebook-ზე.
შეგახსენებთ, გუშინ, 10 მაისს, რუსმა ოკუპანტებმა დონეცკის ოლქში 3 მშვიდობიანი მოქალაქე მოკლეს, სამი კი დაჭრეს.