ქართველი ახალგაზრდა პოლონეთში, რომელიც ოჯახის ინფორმაციით მოკლული იპოვეს, ცოცხალია. ცოტა ხნის წინ, გაირკვა, რომ 22 წლის ბექა ტაბაღუა დაჭრილია და საავადმყოფოშია მოთავსებული. ინფორმაცია ოჯახს იქ მყოფმა ქართველმა ემიგრანტებმა შეატყობინეს.
როგორც გაირკვა, დაჭრილი ტაბაღუა ქუჩაში უგონო მდგომარეობაში იპოვეს და სასწრაფო გამოიძახეს, მისი მობილური ტელეფონის საშუალებით კი ბოლო აკრეფილ ნომერზე დარეკეს და უთხრეს, რომ ახალგაზრდა ქუჩაში გარდაცვლილი იყო. სწორედ ამან შეიყვანა შეცდომაში ტაბაღუას ოჯახი.
მას შემდეგ კი რაც ემიგრანტები გადმოსვენების პროცედურებისთვის პროზექტურაში მივიდნენ, მათ იქ ტაბაღუას ცხედარი ვერ ამოიცნეს და საავადმყოფოში დაიწყეს მოძიება. აღმოჩნდა, რომ ქალაქ ზიმოვას საავადმყოფოში, ის რეანიმაციულ განყოფილებაშია მოთავსებული და დანით, გულ-მკერდის არეში ჭრილობები აქვს მიყენებული