რუსეთის საგარეო საქმეთა მინისტრი, სერგეი ლავროვი ამტკიცებს, რომ რუსეთს ევროპის კონტინენტის მასშტაბით ომი არ სურს. მისი განცხადებით, უკრაინაში მიმდინარე კონფლიქტის კონტექსტში დასავლეთი მუდმივად ამბობს, რომ რუსეთი უნდა დამარცხდეს.
“თუ თქვენ გაწუხებთ ევროპაში ომის პერსპექტივა, ჩვენ ეს აბსოლუტურად არ გვსურს, მაგრამ თქვენი ყურადღება მინდა გავამახვილო იმ ფაქტზე, რომ დასავლეთი მუდმივად ამტკიცებს, რომ რუსეთი ამ სიტუაციაში უნდა დამარცხდეს. დასკვნები თავად გააკეთეთ”, – განაცხადა ლავროვმა.
სავარაუდოდ, ლავროვი გულისხმობდა აშშ-ს თავდაცვის მდივნის, ლოიდ ოსტინის მსგავს კომენტარებს, რომელმაც გასულ თვეში თქვა, რომ ვაშინგტონს სურს რუსეთი ისეთი დასუსტებული იხილოს, რომ ვეღარ შეძლოს ის, რაც უკრაინაში გააკეთა.