უკრაინის ხელისუფლება მარიუპოლის აზოვსტალის ქარხნიდან დაჭრილი ჯარისკაცებისა და ექიმების გამოყვანის პროცედურაზე მუშაობს – წერს უკრაინული მედია უკრაინის ეროვნული გვარდიის სარდლობის განცხადებაზე დაყრდნობით, რომელშიც ვკითხულობთ:

„უკრაინის პრეზიდენტი პირადად და ყველა სახელმწიფო ლიდერი ცდილობს მოძებნოს აზოვსტალიდან მშვიდობიანი მოსახლეობის ევაკუაციის შესაძლებლობა და გააგრძელოს მუშაობა დაჭრილი ჯარისკაცების, მედიკოსებისა და სამხედროებისთვის „გამოყვანის“ პროცედურის გამოყენებაზე, მათ შორის, მსოფლიო საზოგადოების დახმარებით.” – ნათქვამია განცხადებაში.

უწყების ცნობით, ამჟამად ქალაქს იცავს:

“აზოვის” პოლკი;
უკრაინის ეროვნული გვარდიის მე-12 ბრიგადა;
36-ე ცალკეული საზღვაო ბრიგადა;
მესაზღვრეები;
პოლიცია;
მოხალისეები;

“ისინი ყველანი გმირები არიან. ყველა უნდა გადარჩეს და ეს არის ერთ-ერთი მთავარი ამოცანა, რომელიც უნდა გადაიჭრას არა მხოლოდ ბრძოლის ველზე, არამედ საერთაშორისო დონეზეც!”, – ნათქვამია ინფორმაციაში.

ეროვნული გვარდიის განცხადებით, აქტიური საომარი მოქმედებების პირობებში მათ არ აქვთ უფლება გაამჟღავნონ სამხედრო და ჰუმანიტარული ოპერაციების დეტალები და პირობას დებენ, რომ ყველაფერს გააკეთებენ სამხედროებისა და მშვიდობიანი მოქალაქეების გადასარჩენად