მოსკოვში დღეს 9 მაისის აღლუმზე არ გამოჩენილა რუსეთის გენერალური შტაბის უფროსი, ვალერი გერასიმოვი.

პირველ მაისს გავრცელდა ინფორმაცია, რომ ის დაიჭრა. Insider Ukraine-ის ცნობით, 30 აპრილს, უკრაინელმა სამხედროებმა იზიუმთან ახლოს რუსული არმიის მოწინავე სამეთაურო პუნქტზე მიიტანეს იერიში, სადაც გერასიმოვიც იმყოფებოდა.

The New York Times-სთან ამერიკულმა წყაროებმა დაადასტურეს, რომ გერასიმოვი აღმოსავლეთ უკრაინაში მართლაც იმყოფებოდა რამდენიმე დღის განმავლობაში, მაგრამ აღნიშნეს, რომ რუსულ ბაზაზე უკრაინის თავდასხმასთან დაკავშირებით მათ ინფორმაცია არ ჰქონდათ.

გერასიმოვის დაჭრის შესახებ ცნობები ამ დრომდე არ დასტურდება, თუმცა სავარაუდოა, რომ სწორედ ამის გამო ვერ დაესწრო ის სამხედრო აღლუმს.