რა უნდა ვიცოდეთ რუსეთ-უკრაინის ომის 73-ე დღეს – მთავარი ამ დროისთვის

0
69

უკრაინის გენშტაბის ცნობით, 7 მაისის მონაცემებით, რუსეთის სამხედრო დანაკარგებმა მხოლოდ ცოცხალი ძალის მხრივ, 25.000 სამხედრო პირზე მეტი შეადგინა.

გასულ დღე ღამეში უკრაინელებმა კიდევ ერთი სამხედრო მაღალჩინოსანი, ვლადივოსტოკელი ვიცე-პოლკოვნიკი  36 წლის ფეზულ ბიჩიკაევი მოკლეს. 

ამასთან, კუნძულ ზმეინნისთან, რომელმაც რუსული სამხედრო ხომალდის ერთ ადგილას გაგზავნით გაითქვა სახელი, უკრაინელებმა რუსული ჩქაროსნული სადესანტო კატარღა “სერნა” ჩაძირეს და ვიდეოც გაავრცელეს.

 

ხარკოვის მიმართულებიდან ოკუპანტთა განდევნის პროცესი ისევ გაგრძელდა, მტერმა რამდენიმე კილომეტრით უკან დაიხია. უკრაინული მხარე აქ კონტრშეტევით მდგომარეობაშია.
სხვადასხვა მიმართულებებზე უკრაინამ მოიგერია მტრის 8 შეტევა. ერთერთ ფრონტზე შეტაკებისას განადგურებულია:
3 ტანკი, 8 საარტილერიო სისტემა, აქედან 4 ზალპური ცეცხლის რეაქტიული სისტემა,
7 ერთეული ჯავშანტექნიკა, 3 სპეციალური საინჟინრო ავტომობილი.
ჰაერსაწინააღმდეგო თავდაცვის ძალებმა დონბასის თავზე მინიმუმ, 14 უსა (უპილოტო საფრენი აპარატი) “Орлан-10” ჩამოაგდეს.
ერთერთ ლოკაციაზე, მტრის საბრძოლო მასალების საწყობის განადგურებისას საარტილერიო სისტემა, ჯავშანტექნიკა და პირადი შემადგენლობის 15 ჯარისკაცი მოკლეს.
სამწუხაროდ, ხარკოვთან კიდევ ერთი ჟურნალისტი – ოდესელი მაქსიმ მედინსკი მოკლეს, რომელიც 24 თებერვლიდან ირაღით ხელში იბრძოდა სამშობლოს დასაცავად.
წინა სტატიამიხეილ სააკაშვილს სასიკვდილო საფრთხე ემუქრება – Spiegel-ის სტატია
შემდეგი სტატია“რუსი ოკუპანტები ხერსონში 500-მდე ადამიანს სარდაფებში აწამებენ” – უკრაინის პრეზიდენტის წარმომადგენელი ყირიმში
ტელეკომპანია ოდიშის საინფორმაციო სამსახური