ოკუპანტები ხარკოვის ოლქში დასახლებული პუნქტების დაბომბვას აგრძელებენ. გვიან ღამით ლოზოვას დასახლებაში მიტანილ იერიშს ერთი ადამიანი ემსხვერპლა.
ლოზოვას საკრებულოს თავმჯდომარის განცხადებით, დაღუპული ადგილობრივი მოხალისე იყო, რომელიც მათ მტრისგან დანგრეული შენობების გაწმენდაში და მოქალაქეებისთვის ჰუმანიტარული ტვირთის დარიგებაში ეხმარებოდა.
“ჩვენი ქალაქისთვის ტრაგიკული დღეა. ოკუპანტების იერიშებს ერთი ადამიანი ემსხვერპლა. დაღუპული ოკუპანტების მიერ განადგურებული შენობების გაწმენდასა და აღდგენაში გვეხმარებოდა. სამწუხაროდ, დღეს ჰუმანიტარული ტვირთი ვერ დავარიგეთ. შაბათს ისევ განახლდება ჩვენი მოქალაქეების დახმარება და მომარაგება. დიდება უკრაინას! ლოზოვა უკრაინაა!”, – თქვა საკრებულოს თავმჯდომარემ.