უკრაინის განცხადებით, ქალაქ მარიუპლიდან გაერო-ს ხელმძღვანელობით სამაშველო ოპერაციის დაწყების შემდეგ თითქმის 500 მშვიდობიანი მოქალაქე იქნა ევაკუირებული, მათ შორის რამდენიმე ადამიანი ალყაში მოქცეული “აზოვსტალის” ქარხნიდან.
უკრაინის პრეზიდენტის ოფისის ხელმძღვანელმა, ანდრეი ერმაკმა ევაკუაციას უწოდა “კომპლექსური ოპერაცია” და თქვა, რომ უკრაინა გააგრძელებს მუშაობას “ყველა მშვიდობიანი მოქალაქისა და სამხედროების გადასარჩენად”.
მან გაეროს დახმარებისთვის მადლობა გადაუხადა.
გაეროს გენერალურმა მდივანმა, ანტონიო გუტერეშმა Twitter-ზე დაწერა, რომ ორმა უსაფრთხო კოლონამ წარმატებით შეძლო თითქმის 500 ადამიანის ევაკუაცია, მარიუპოლიდან, მიმდებარე ტერიტორიებიდან და “აზოვსტალიდან”.
ის იმედოვნებს, რომ მოსკოვთან და კიევთან მუდმივი კოორდინაციით უფრო მეტი სიჩუმის რეჟიმი იქნება მშვიდობიანი მოსახლეობის უსაფრთხო გადაადგილებისთვის