პუტინი აზოვსტალის დამცველების ჩაბარებას ითხოვს – კრემლის ცნობით, რუსეთის პრეზიდენტმა ვლადიმერ პუტინმა თქვა, რომ უკრაინამ უნდა უბრძანოს მის მებრძოლებს, რომლებიც ალყაშემორტყმული აზოვსტალის ფოლადის ქარხანაში არიან, დაყარონ იარაღი და ჩაბარდნენ.
კრემლის ცნობით, ისრაელის პრემიერმინისტრთან, ნაფტალი ბენეტთან საუბრისას, პუტინმა თქვა, რომ რუსეთი კვლავ მზად არის ქარხნიდან მშვიდობიანი მოსახლეობის უსაფრთხოდ გასაყვანად.
კრემლის სპიკერმა, დიმიტრი პესკოვმა უარყო რუსული ჯარის შემოსვლა ქარხანაში, რაც ეწინააღმდეგება უკრაინელი ოფიციალური პირებისა და მებრძოლების მტკიცებებს, რომ შიგნით მძიმე ბრძოლები მიმდინარეობს.