მედიკოსები პრეზიდენტის ადმინისტრაციაში მივიდნენ. ისინი ჯანდაცვის საკითხებში პრეზიდენტის მრჩეველს მიხეილ სააკაშვილის ჯანმრთელობის მდგომარეობის შესახებ მიაწვდიან ინფორმაციას.
“დღეს ექიმები, თეთრხალათოსნები ვხვდებით საქართველოს დღევანდელ პრეზიდენტს, იმისთვის, რომ ის ჩავაყენოთ საქმის კურსში, თუ რა მდგომარეობაშია მესამე პრეზიდენტი მისი ჯანმრთელობიდან გამომდინარე, და რამდენად მძიმეა მისი მდგომარეობა, რათა მან იცოდეს, და იყოს საქმის კურსში, რომ შესაძლებელია, თუ არ მივიღებთ დროულ გადაწყვეტილებებს, მის სიცოცხლეს დაემუქროს საფრთხე. ჩვენი მოვალეობაა ექიმებისა, რომ ყველა ჩავაყენოთ საქმის კურსში, ჩვენ ვიცით დღევანდელი მდგომარეობაც მისი და რა მდგომარეობაშიც შეიძლება აღმოჩნდეს რამდენიმე საათში, ესეც ჩვენთვის ცნობილია”, – ამბობს ექიმი ვილი პაჭკორია.
უცნობია, შეხვდება თუ არა მედიკოსებს თავად პრეზიდენტი, სალომე ზურაბიშვილი.