ზუგდიდის სოფელ დარჩელში ადგილობრივები აქციას მართავენ – მოსახლეობა საძოვრების გაყიდვას აპროტესტებს. მათი თქმით, მიწა ხელისუფლებამ 45-წლიანი იჯარით რუსეთ-საფრანგეთის მოქალაქე ბიზნესმენს გადასცა.
მეიჯარემ საძოვრების დამუშავება უკვე დაიწყო. სამი სოფლის მოსახლეობა ადგილზეა შეკრებილი და ამბობენ, რომ ტექნიკას მუშაობის საშუალებას არ მისცემენ.
მოსახლეობის თქმით, მათი ერთადერთი შემოსავალი ოჯახების სარჩენად მესაქონლეობაა. ადგილზე პოლიციაა მობილიზებული. ხელისუფლების წარმომადგენლები ადგილზე არ გამოჩენილან.
ადგილობრივები ითხოვენ, რომ ხელისუფლებამ იჯარა გააუქმოს და საძოვრები სოფელს დაუბრუნდეს.