საქართველში ჟურნალისტების საქმიანობა უსაფრთხო არ არის – ორგანიზაცია “რეპორტიორები საზღვრების გარეშე” ახლ კვლევას აქვეყნებს, რომლის მიხედვით, საქართველო პრესის თავისუფლების კუთხით პრობლემურ ქვეყნად არის მიჩნეული.

მდგომარეობა გასულ წელთან შედარებით 29 ერთეულით გაუარესდა. უფრო კონკრეტულად, საქართველო 2022 წლის ინდექსშიც პრობლემურ ქვეყნებს შორის რჩება. მას 59.30 ქულა აქვს და 89-ე ადგილს იკავებს.

ანგარიშში მოხვდ, ჟურნალისტებზე უპრეცედენტო რაოდენობის თავდასხმა. ორგანიზაცია ამბობს, რომ “აგრესორებს შორის არიან ხელისუფლების მაღალჩინოსნები, განსაკუთრებით საარჩევნო კამპანიის დროს”:

2021 წლის ივლისში ჰომოფობიური კონტრდემონსტრაციის დროს 50 რეპორტიორზე ხანგრძლივი და სასტიკი თავდასხმა, სამართალდამცავების თვალწინ, უპრეცედენტო უკუსვლა იყო. ამ მოვლენის გამოძიებისას გამჭვირვალობისა და პროგრესის არქონა აჩვენებს იმათ დაუსჯელობას, ვინც ჟურნალისტების წინააღმდეგ დანაშაულს სჩადის”, – აღნიშნავენ ორგანიზაციაში.

ცნობილია, რომ RSF მდგომარეობას 5 მაჩვენებელის მიხედვით აფასებს. საქართველოს ქულები ასე ნაწილდება:

პოლიტიკური – 52.42
სამართლებრივი – 80.79
ეკონომიკური – 46.43
სოციალური – 75.50
უსაფრთხოების კონტექსტები – 41.3