საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით დღეს განცხადება გააკეთა ევროკავშირის ელჩმა, კარლ ჰარცელმა. მისი თქმით, მიხეილ სააკაშვილის ჯანმრთელობაზე პასუხისმგებელი სახელმწიფოა.
“მე არ მაქვს პირველწყაროდან ინფორმაცია სააკაშვილის მდგომარეობის შესახებ და არც ექიმი ვარ, რომ შევაფასო მისი ჯანმრთელობის მდგომარეობა, მაგრამ შეშფოთებულები ვართ როცა ვეცნობით ანგარიშებს. მის მდგომარეობაზე პასუხისმგებელი, არის სახელმწიფო”, – თქვა კარლ ჰარცელმა.
ექიმები ამბობენ, რომ მიხეილ სააკაშვილს გააზრებული აქვს, რომ თუ ცილის მიღებას არ დაიწყებს შედეგი შეიძლება ფატალური იყოს, თუმცა მას ეს არ შეუძლია. კონსლიუმის წევრებმა განმარტეს, რომ მიხეილ სააკაშვილს ჭამა უნდა, თუმცა ამის საშუალება ფიზიკურად არ აქვს.
ოჯახი, ოპოზიციის ნაწილი, ასევე ექიმები ითხოვენ, რომ მესამე პრეზიდენტი სამკურანლოდ საზღვარგარეთ გადაიყვანონ. იხილეთ ასევე: