აღმოჩენილია, სანქცირებული ნავთობის ცისტერნები, რომელსაც “გაზპრომის” წარწერა აქვს – კოლონა, საქართველოს რკინიგზაზე, თბილისის გავლით მოძრაობს.
ცისტერნები, რომელიც რამდენიმე წუთის წინ, “მთავარი არხის” გადამღებმა ჯგუფმა დააფიქსირა, სავარაუდოდ, ბათუმის პორტში მიაქვთ. ეს ამყარებს ეჭვს, რომ რუსეთის სანქცირებული პროდუქტის ტრანსპორტირებას საქართველოს გავლით ცდილობს.
ცნობისთვის, დღეს “მთავარმა არხმა” გაავრცელა ინფორმაცია, რომ რუსული ნავთობით დატვირთული გემი, ბათუმის პორტში დგას. რუსული დროშის ქვეშ მცურავი, “ეს-ვი-ელ პრაიდი”, (SVL PRIDE ) საქართველოში, გუშინ, დაახლოებით საღამოს 6 საათზე, პორტ “კავკაზიდან” შემოვიდა. სავარაუდოდ, სანქცირებული ნავთობი, რუსულ სანქცირებულ კომპანიას ეკუთვნის, და გამორიცხული არ არის, რომ ნავთობის სხვა გემზე გადატვირთონ და რუსულმა კომპანიამ, ამ გზით, სანქციებს გვერდი აუაროს.