“მთავარი არხის” გენერალური დირექტორი ნიკა გვარამია “ქართულ ოცნებას” და საქართველოს საპატრიარქოს მიმართავს.
ის მესამე პრეზიდენტის, მიხეილ სააკაშვილის ჯანმრთელობის მდგომარეობაზე საუბრობს, რომელიც დღეს თბილისის საქალაქო სასამართლოში, პროცესზე შეუძლოდ გადახდა.
“კაცი პირდაპირ ეთერში კინაღამ ხელში ჩაგვაკვდა.
ქართული ოცნება / Georgian Dream თქვე მწამებლებო, რა მნიშვნელობა აქვს, რას ჩაწერთ მაგ კითხვარში, ან საერთოდ, ჩაწერთ თუ არა რამეს?! ზუსტად მაგიტომ კლავთ სააკაშვილს, რომ შანსი არ ქონდეს საქართველოს არსად და არასდროს, პუტინის რუსეთის გარდა.
საქართველოს საპატრიარქო ❲ოფიციალური გვერდი❳ სამარცხვინო, ანტიქრისტიანული ჯგრო, ჩვეულებრივი რუსული მეხუთე კოლონა ხართ, დაწყებული უკრაინის ავტოკეფალიის თაროზე შემოდებული ტომოსით და დასრულებული პუტინის პატიმარ სააკაშვილის მიმართ დამოკიდებულებით. აღდგომა მოდის, სიცოცხლის დღესასწაული, და თქვენ ადამიანის სიკვდილს შეყურებთ გულგრილად, ზოგიც – სიხარულით”, – წერს ნიკა გვარამია Facebook-ზე.