უკრაინის ვიცე-პრემიერის, ირინა ვერეშჩუკის განცხადებით, დღეს ალყაში მოქცეული ქალაქ მარიუპოლში ჰუმანიტარული დერეფანი გაიხსნება.

მისი თქმით, ქალაქიდან ქალების, ბავშვებისა და მოხუცების ევაკუაცია უნდა მოხდეს.

“ჩვენ მოვახერხეთ წინასწარ შეთანხმება ჰუმანიტარული დერეფნის შესახებ ქალების, ბავშვებისა და მოხუცებისთვის. შეკრება მარიუპოლში დღეს, 20 აპრილს, 14:00 საათიდან [ადგილობრივად 14:00 საათიდან] ტაგანროგის ქუჩის და 130-ე ტაგანროგის დივიზიის კუთხეში”, – თქვა მან.

კოლონა მარიუპოლიდან მანჰუშისკენ წავა, შემდეგ რუსეთის მიერ კონტროლირებად ბერდიანსკში, შემდეგ უკრაინის კონტროლირებად ზაპოროჟიისკენ.

ვიცე-პრემიერმა განაცხადა, რომ უსაფრთხოების ძალიან რთული სიტუაციიდან გამომდინარე, შესაძლოა, მარშრუტში ცვლილებები მოხდეს. მან მოსახლეობას სთხოვა, მიჰყვნენ ოფიციალურ ინსტრუქციებს.

ალყაში მოქცეულ ქალაქში ათასობით მშვიდობიანი მოქალაქე რჩება. მარიუპოლი ინტენსიურად იბომბება, მოსახლეობას არ აქვს საკვები, წყალი, გათბობა და სხვა პირველადი საჭიროების ნივთები.