კატასტროფული მდგომარეობაა ზუგდიდის ბოტანიკურ ბაღში და ე.წ. განახლებულ ბულვარში, რითაც ხელისუფლება თავს იწონებს!
–
იმის გამო, რომ წყალარინების სისტემა სრულად გამოსულია მწყობრიდან (პარკის განახლების დროს დაზიანდა და მერე არავის უზრუნია აღდგენაზე), ბოლო დღეების წვიმიანი ამინდების შემდეგ პარკში დადგა გუბეები და ამ გუბეებში აღმოჩნდა უნიკალური, ასწლოვანი ხეები, რომლებიც აღარ დგას, იმიტომ რომ წაიქცა – დიდი ხეები ასეთ გუბეებში თავს ვერ ინარჩუნებენ.
–
ჩვენი ინფორმაციით, მინიმუმ, ექვსი, სრულიად ჯანმრთელი და უნიკალური, ასწლოვანი ხეა წაქცეული, მერე დაჭრილი და ტოტებდასხეპილი, რაც ფოტოებზეც ჩანს.
–
მიუხედავად იმისა, რომ რამდენიმე დღეა არ უწვიმია და მეტიც, ცხელოდა კიდეც, აი, ასეთი გუბეებია პარკში, რაც მიანიშნებს იმაზე, რომ სულ ცოტა, სამ წელიწადში, ვერცერთი დიდი, ასწლოვანი ხე ვერ შეინარჩუნებს ფესვებს ნიადაგში და წაიქცევა…