ქართველი დეპუტატების დელეგაცია დღეს კიევში ჩავიდა. პარლამენტის თავმჯდომარეების შეხვედრაზე, სტეფანჩუკმა ქართველ კოლეგას უკრაინისა და უკრაინელების მხარდაჭერისთვის მადლობა გადაუხადა.“მოხარული ვარ საქართველოს პარლამენტის თავმჯდომარის, შალვა პაპუაშვილის ვიზიტით, რომელიც უკრაინაში საპარლამენტო დელეგაციასთან ერთად ჩამოვიდა. ,ვისაუბრეთ სანქციების პოლიტიკაზე და ვიწვევთ საქართველოს, რომ მსოფლიოს მიერ, რუსეთისთვის დაწესებულ სანქციებს შემოუერთდეს ”- განაცხადა უკრაინის რადას თავმჯდომარემ, რუსლან სტეფანჩუკმა შალვა პაპუაშვილთან გამართულ ერთობლივ ბრიფინგზე.
დარწმუნებული ვარ, რომ ჩვენი შეხვედრა ხელს შეუწყობს საქართველოსა და უკრაინას შორის ორმხრივი ურთიერთობის შემდგომ განმტკიცებას და იმას, რასაც ჩვენი ხალხი ელოდება.
ჩვენ ერთად განვიხილეთ აგრესორი ქვეყნის წინააღმდეგ სანქციების დაწესების აუცილებლობა, უკრაინისა და საქართველოს ევროინტეგრაციის მომავალი და აღდგენის პროცესში შესაძლო დახმარების საკითხები.
მინდა დაგარწმუნოთ, რომ უკრაინელი ხალხისა და უკრაინის ხელისუფლების მხრიდან საქართველოს ტერიტორიული მთლიანობისა და სუვერენიტეტის მხარდაჭერა ისეთივე ძლიერია და ყოველთვის ასე იქნება”,- წერს რადას თავმჯდომარე Facebook-ზე.
საქართველო იყო ერთ-ერთი თანაავტორი საერთაშორისო სასამართლოში შეტანილი საჩივრის და რაც ჩვენ აქ ვიხილეთ, რა თქმა უნდა ცდება ომის ყველა კანონის ჩარჩოებს და ჩვენ ვხედავთ, რომ აქ ომის დანაშაულებია ჩადენილი – განაცხადა შალვა პაპუაშვილმა