“რუსეთის წინააღმდეგ სანქციების შემდეგი პაკეტი რუსულ ნავთობზე უარის თქმას უნდა მოიცავდეს”, – ამის შესახებ უკრაინის პრეზიდენტი ვოლოდიმირ ზელენსკი ომის 51-ე დღის შემაჯამებელ ვიდეომიმართვაში საუბრობს.
ნომერ პირველი ამოცანა მშვიდობის დაჩქარებაა. ჩვენი შეიარაღებული ძალები ამას ბრწყინვალედ აკეთებენ. ისინი ოკუპანტების თავდასხმებს აჩერებენ და კონტრშეტევებს ახორციელებენ. ჩვენმა დიპლომატებმა თავიანთი საქმიანობა ყველა მიმართულებით, როგორც ოფიციალურ, ისე არაოფიციალურ დონეზე უნდა გააგრძელონ.
რუსეთის წინააღმდეგ სანქციების შემდეგი პაკეტი რუსულ ნავთობზე უარის თქმას უნდა მოიცავდეს. ზოგადად, დემოკრატიულმა სამყარომ უნდა გადაწყვიტოს, რომ რუსეთისთვის ენერგორესურსებში გადახდილი ფული, ფაქტობრივად, დემოკრატიის განადგურებისთვის გადახდილი ფულია. როდესაც ეს გადაწყვეტილებები იქნება, ყველანი დავინახავთ, რომ მშვიდობა ახლოვდება, – ამბობს ზელენსკი.