უკრაინაში დაღუპულ ქართველ სამხედროებს სამშობლოში ხვალ გამთენიისას ჩამოასვენებენ. დავით მენაბდიშვილისა და ნიკოლოზ შანავას ცხედრები გუშინ ლვოვიდან პოლონეთში გადაასვენეს.
მანამდე კი ქართველ სამხედროებს პატივი კიევში, ვოლოდიმირის ტაძარში მიაგეს და პარაკლისი გადაუხადეს. დავით მენაბდიშვილი და ნიკოლოზ შანავა ხარკოვის ოლქის ქალაქ იზიუმთან დაიღუპნენ.
“გზაში არის მანქანა, რომელმაც წამოასვენა ვარშავის მიმართულებით. სავარაუდოდ, ხვალ უნდა ჩამოასვენონ”, – ამბობს ქართველი მებრძოლი, ვანო ნადირაძე.
მისი თქმით, იზუმში დაძაბული სიტუაციაა, სადაც რუსებს შედარებით უკეთესი პოზიცია აქვს.