პენტაგონის პრესსპიკერი ჯონ კირბი CNN-თან ადასტურებს, რომ რუსულ კრეისერ მოსკვაზე აფეთქება მოხდა, თუმცა ამბობს, რომ გემი არ ჩაძირულა.
კირბის თქმით, აშშ ჯერ ვერ შეაფასებს, გემს ესროლეს თუ არა რაკეტა.
“ჩვენ არ ვართ ზუსტად დარწმუნებულნი, რა მოხდა იქ. ჩვენი შეფასებებით, იყო სულ მცირე ერთი აფეთქება, საკმაოდ ძლიერი, რომელმაც გემს მნიშვნელოვანი დაზიანებები მიაყენა, მაგრამ ზუსტად არ ვიცით, რამ გამოიწვია ეს. გემს შეუძლია თავისი გზით გადაადგილება და აღმოსავლეთისკენ მიემართება, მას სავარაუდოდ სევასტოპოლში გადაიყვანენ შესაკეთებლად “, – დაამატა კირბიმ.
უკრაინაში 13 აპრილს ოფიციალურმა პირებმა განაცხადეს,რომ კრეისერს ხომალდსაწინააღმდეგო რაკეტები “ნეპტუნი” ესროლეს, მაგრამ ხანძარი ლოკალიზებულია და იგი არ ჩაძირულა.
ამავე დროს, რუსეთი აცხადებს, რომ გემზე საბრძოლო მასალა აფეთქდა, რის შემდეგაც წყლის ზედაპირზე რჩება.
სამხედრო ხომალდი მოსკვა 1982 წელს აშენდა. 2008 წელს რუსეთმა ის საქართველოზე თავდასხმაშიც გამოიყენა.