პოლონეთის, ლიეტუვის, ლატვიის და ესტონეთის პრეზიდენტები უკრაინის დედაქალაქ კიევში გაემგზავრნენ უკრაინის პრეზიდენტ, ვოლოდიმერ ზელენსკისთან შესახვედრად.
“ერთად გამარჯვებამდე!” – დაწერა Twitter-ზე ლიეტუვას პრეზიდენტმა გიტანას ნაუსედამ და შესაბამისი ფოტოც გამოაქვეყნა.
“მივემგზავრები კიევში პოლიტიკური მხარდაჭერისა და სამხედრო დახმარების ძლიერი გზავნილით. ლიეტუვა გააგრძელებს მხარდაჭერას უკრაინის სუვერენიტეტისა და თავისუფლებისთვის ბრძოლის მიმართ”, – წერს ნაუსედა.
პრეზიდენტები კიევში ბორის ჯონსონის ვიზიტის შემდეგ ჩადიან, რომელიც უკრაინაში შაბათს იმყოფებოდა.