მარიუპოლის მერის მოადგილემ სერგეი ორლოვმა ქალაქზე რუსი ოკუპანტების ქიმიური თავდასხმის შესახებ ინფორმაცია დაადასტურა:
“ჩვენ ვერ მოგაწოდებთ უფრო დეტალურ ინფორმაციას, მაგრამ ჩვენ გვაქვს დადასტურება სამხედროებისგან, რომ ეს მოხდა”, – ამბობს ორლოვი.
ექიმები განმარტავენ, რომ ყველა მოწამლულს ერთნაირი სიმპტომები აღენიშნებოდა: სახის სიწითლე, მაღალი წნევა, სიმშრალე და გულძმარვა ყელის არეში, თვალების წვა. მისი ინფორმაციით, ახლა ყველა დაზარალებულის მდგომარეობა დამაკმაყოფილებელია.
ოკუპანტებმა მარიუპოლში სავარაუდოდ ქიმიური ნივთიერება უპილოტო საფრენი აპარატის მეშვეობით გუშინ, ორშაბათს ჩამოაგდეს. ერთ-ერთი ვერსიით საუბარია ნივთიერება ზარინზე, თუმცა ოფიციალურად ამ ნივთიერების გამოყენება ჯერ არ დადასტურებულა.