ამნისტია 2004 წლის 1-ელ იანვრამდე ჩადენილი დანაშაულისათვის

0
159

პარლამენტმა “ამნისტიის შესახებ“ კანონი მესამე მოსმენით (87- ხმით, 1 -ის წინააღმდეგ) მიიღო. შესაბამისად, პირები, რომელთაც სისხლის სამართლის დანაშაული 2004 წლის 1-ელ იანვრამდე ჩაიდინეს, სისხლისსამართლებრივი პასუხისმგებლობისა და სასჯელისგან (გარდა უვადო თავისუფლების აღკვეთისა) თავისუფლდებიან. ამნისტირებული პირები კი ნასამართლობის არმქონედ ჩაითვლებიან.

ამნისტია გავრცელდება იმ პირებზეც, რომლებმაც დანაშაულის მომზადება ან მცდელობა ჩაიდინეს.

ამასთან, ამნისტია არ ვრცელდება “სისხლის სამართლის კოდექსის“ 108-ე, 109-ე, 137-ე – 141-ე, 142-144/3, 164-ე, 179-ე, 183-ე, 223-ე – 224-ე, 236-ე – 239-ე, 253-ე – 255/2, 280-ე, 353-ე, 378-ე – 379-ე, 404-ე – 413-ე მუხლებით, აგრეთვე XXXVII და XXXVIII თავებით გათვალისწინებულ დანაშაულებზე.

გარდა ამისა, ამნისტია არ ვრცელდება “სისხლის სამართლის კოდექსით“ გათვალისწინებულ დანაშაულზე, თუ ის ჩადენილია ოკუპირებულ ტერიტორიებზე საქართველოს მოქალაქეთა მკვლელობაში, გატაცებაში, წამებასა და არაჰუმანურ მოპყრობაში, ჯანმრთელობის მძიმე დაზიანებაში, აგრეთვე ამ დანაშაულთა დაფარვაში ბრალდებულ და მსჯავრდებულ პირთა სიის − “ოთხოზორია-ტატუნაშვილის სიის“ დამტკიცებისა და საქართველოს მთავრობის მიერ გასატარებელი შესაბამისი ღონისძიებების თაობაზე, საქართველოს მთავრობის 2018 წლის 26 ივნისის N339 დადგენილებით განსაზღვრული პირების მიერ.

წინა სტატიააშშ-ის სახელმწიფო დეპარტამენტის ანგარიშში ყურადღება მესამე პრეზიდენტზეც გამახვილდა
შემდეგი სტატიაუკრაინის ანტიკორუფციულ ბიუროს გიზო უგლავა უხელმძღვანელებს
ტელეკომპანია ოდიშის საინფორმაციო სამსახური