➤ 9 აპრილს იზიუმთან დაღუპულ ქართველ მეომრებს – 21 წლის ნიკა შანავასა და 49 წლის დავით მენაბდიშვილს დღეს დნეპრიდან კიევში გადაასვენებენ. უახლოეს დღეებში მათ ცხედრებს საქართველოში ელოდებიან.
➤ დნეპრის კლინიკაში მყოფი დაჭრილი ქართველებიდან შედარებით მძიმეა ვამეხ ჩუთლაშვილის მდგომარეობა.
➤ საღამოს ვიდეომიმართვაში უკრაინის პრეზიდენტმა განაცხადა, რომ მტერი დიდ ძალებს გამოიყენებს ქვეყნის აღმოსავლეთში, მაგრამ უკრაინა ამისთვის მზად არის.
➤ რამზან კადიროვმა ღამის ორ საათზე ვიდეომიმართვა გამოაქვეყნა და განაცხადა, რომ ვლ. პუტინისგან მიღებული დავალებების თანახმად, ყველა შენაერთი წერტილოვან დარტყმებზე გადადის, რაც მარიუპოლთან ერთად, კიევის აღებასაც ითვალისწინებს.
➤ რუსეთმა ვორონეჟის სამხედრო აეროდრომზე ათეულობით სამხედრო თვითმფრინავი და ვერტმფრენები განათავსა. იქ ბაზირებულია არანაკლებ 32 ერთეული გამანადგურებელი Су-27, ასევე რამდენიმე Ил-76.
➤ მთელი ღამის განმავლობაში საარტილერიო შეტევის ობიექტი იყო მიკოლაევი, არიან დაზარალებულები. ერთი ფრთოსანი რაკეტა ჰაერსაწინააღმდეგო თავდაცვის სისტემამ ჩამოაგდო.
➤ სამხრეთის მიმართულებაზე უკრაინის შეიარაღებულმა ძალებმა გაანადგურეს 84 ოკუპანტი და 13 ერთეული ჯავშანტექნიკა – იტყობინება სამხრეთის ოპერატიულ-სამეთაურო პუნქტი.
➤ უკრაინის აღმოსავლეთში სამხედროებმა ორი ვერტმფრენი, რამდენიმე დრონი და 26 რუსი დამპყრობელი გაანადგურეს.
➤ დონეცკისა და ლუგანსკის მიმართულებით უკრაინელებმა მოიგერიეს 4 შეტევა, გაანადგურეს 5 ტანკი და ჩამოაგდეს 3 ვერტმფრენი.
➤ კიევის მერი ვიტალი კლიჩკო არ გამორიცხავს, რომ შესაძლოა, ოკუპანტებმა კიდევ ერთხელ სცადონ “ორ დღეში კიევის აღება”.
➤ ოლექსი არესტოვიჩის თქმით, ამ ეტაპზე დონბასისა და ყირიმის გათავისუფლება ოკუპანტებისგან, შეუსრულებელი ამოცანაა, რადგან ამ მიმართულებით შეტევა დიდ დანაკარგებს გამოიწვევს.
–
თუ თქვენ გსურთ სმარტფონით მიიღოთ მოკლე, გადამოწმებული, ოპერატიული ინფორმაცია უკრაინაში მიმდინარე მოვლენებზე, ეწვიეთ ჩვენს გვერდს ტელეგრამზე.