ევროკომისიამ უკვე დაიწყო მუშაობა რუსეთის ფედერაციის წინააღმდეგ სანქციების მეექვსე პაკეტზე, მათ შორის რუსული ნავთობის ექსპორტის შეზღუდვაზე.
ამის შესახებ ბრიუსელში ევროკავშირის საგარეო საქმეთა მინისტრების საბჭოს სხდომის დაწყებამდე ლიეტუვას საგარეო საქმეთა სამინისტროს ხელმძღვანელმა გაბრიელიუს ლანდსბერგისმა განაცხადა.
„ახლა ბევრი რამ ხდება. ევროკომისიამ ძალიან მკაფიოდ განაცხადა, რომ ჩვენ ვიწყებთ მუშაობას მეექვსე პაკეტზე (სანქციებზე), სადაც განიხილება ნავთობის ვარიანტი. ეს ნიშნავს, რომ მუშაობა უკვე დაწყებულია კონსენსუსის მისაღწევად. იმედი მაქვს ამჯერად იმუშავებს, პასუხის გასაცემად რა არის გასაკეთებელი. უმჯობესია კიევში ჩავიდეთ, ირპენში, ბუჩაში, მოვინახულოთ და ჩვენი თვალით ვნახოთ ყველაფერი, რატომ უნდა გამოვიყენოთ სანქციები“, – განაცხადა ლანდსბერგისმა.
დღეს ბრიუსელში ევროკავშირის საგარეო საქმეთა მინისტრების საბჭოს სხდომა იმართება, რომლის ერთ-ერთი მთავარი საკითხი უკრაინაში არსებული ვითარების განხილვა და უკრაინელი ხალხის შემდგომი დახმარებაა.