ლუგანსკის სამხედრო საოლქო ადმინისტრაციის ხელმძღვანელმა ახსნა, როდის და როგორ დაიწყება დონბასისთვის გადამწყვეტი ბრძოლა. მისი თქმით, ამ ბრძოლის დაწყებას “სამ-ოთხ დღეში” ელოდება.
სერგეი გაიდაის თქმით, რუსეთი რამდენიმე საათის განმავლობაში საარტილერიო იერიშს არ შეაჩერებს დონეცკისა და ლუგანსკის ოლქებში და გამოიყენებს “ყველა მოწყობილობასა და სისტემას, რაც აქვს”:
“ვფიქრობ, ეს რაღაც, ამდაგვარი იქნება: სადღაც, დილის 3-4 საათისთვის დაიწყება მასობრივი საარტილერიო იერიში. აამოქმედებენ მძიმე და მსხვილი კალიბრის ნაღმმტყორცნებს, არტილერიას, ავიაციას, სარაკეტო-საზენიტო კომპლექსებს, გრადს, სმერჩს, ურაგანს, ტოჩკა-უ-ს, ყველაფერს, რაც აქვთ. ეს რამდენიმე საათს, სახელდობრ, ლუგანსკისა და დონეცკის ოლქებში გაგრძელდება”, – ამბობს გაიდაი.
ამის შემდეგ, მისი თქმით, საქმეში ტანკები ჩაერთვებიან.
“ჩვენ ამ შეტევას, სადღაც, სამ-ოთხ დღეში ველოდებით. ჯერჯერობით ფეხს ითრევენ, რადგან არ უნდათ, თავიანთი იდიოტური ბლიცკრიგი გაიმეორონ, რომელიც უკვე ბევრი დღეა, გრძელდება. ამის გამეორება არ უნდათ, ამიტომ ახდენენ ძალების თავმოყრას ისე, რომ 100%-ით მიაღწიონ გარღვევას. გუშინ, გუშინწინ უკვე უნდა დაეწყოთ, მაგრამ არ გამოუვიდათ”, – ამბობს გაიდაი “უკრაინსკაია პრავდასთან” ინტერვიუში.
–
თუ თქვენ გსურთ სმარტფონით მიიღოთ მოკლე, გადამოწმებული, ოპერატიული ინფორმაცია უკრაინაში მიმდინარე მოვლენებზე, ეწვიეთ ჩვენს გვერდს ტელეგრამზე.