პუტინის ომის დანაშაულის და გენოციდის ახალი მტკიცებულებები – კიევის ოლქში, ბროვარის რაიონში რუსების მიერ მოკლული ახალი ცხედრები აღმოაჩინეს. ირკვევა რომ ოკუპანტებმა მშვიდობიანი მოქალაქეები მიზანმიმართულად დახოცეს და ერთ-ერთ თავშესაფარში ჩაყარეს.
ტრაგედიის ადგილზე პოლიციელები და გამომძიებლები მუშაობენ. ამ თავშესაფართან ახლოს კიდევ რამდენიმე მსგავსი თავშესაფარია და პოლიცია ყველა მათგანის დეტალურ შემოწმებას იწყებს. მტკიცებულებებს უკრაინული მხარე ჰააგაში გაგზავნის.
ჩერნიჰივიში კი ოკუპანტებმა მოკლეს 3 წლის ტყუპები, 13 წლის მოზარდი და მათი მშობლები. ამ დრომდე გრძელდება ქალაქების ნანგრევებისგან გაწმენდა. ჯერ ჯერობით უცნობია რამდენი ადამიანი შეიძლება რჩებოდეს ათობით გადამწვარ და მიწასთან გასწორებულ კორპუსში.